अधोलिखितवाक्यस्य विवरणम् अपेक्षितम् ।

कुटपूर्वस्य लिखधातोरपि ग्रहणाल्लिखनमिति प्रयोगः सिद्ध इत्याहुः । इति १.२.१ तत्त्वबोधिन्याम् ।

• https://ashtadhyayi.com/sutraani/1/2/1
• https://archive.org/details/wg508/page/n399/mode/2up?view=theater

उक्तं च हैमे -

कुटादेरिति किम्? लेखनीयम्। "केचिल्लिखिमपि कुटादौ पठन्ति।"

तदेवोल्लिखितं क्रमदीश्वरेण स्वीये प्राकृतव्याकरणे [खादिर्हः॥२।११॥ सूत्रसत्कटीकायाम्] -

लिखनं णिहिलं।

प्रयोगश्चायं दृश्यते शुक्रनीतौ -

सजातीनां च लिखनं कुर्याच्च समुदायतः। यथाप्राप्तं तु लिखनमाद्यन्तसमुदायतः॥ ¹

प्रयोग ईदृशो दृश्यते शान्तिनाथमहाकाव्ये [मुनिभद्रसूरिविरचिते] 3.106तमे पद्ये।