स एव प्रत्ययः आदेशः आगमो वा भवितुमर्हति किम्?

कुतो न । लडादेशाः प्रसिद्धाः एव ।

तिप् प्रत्ययः लस्य स्थाने आदेशः एव

आगमस्य विषये तु चिन्तनीयम्

"अकच्प्रकरणे तूष्णीमः काम्प्रत्ययो वक्तव्यः" इत्यनेन काम् प्रत्ययः मित् अस्ति।

तेन सः आगमो वा?

द्रष्टव्यम् - प्रायः प्रत्ययाः आद्युदात्ताः भवन्ति । आगमाः अनुदात्ताः । अतः प्रत्ययाः आगमाः भवितुं नार्हन्ति । इति पदमञ्जर्यां स्पष्टम् । परन्तु सति प्रयोजने आगमस्य श्नमः प्रत्ययसंज्ञा ।

हैमे व्याकरणे तावत्

अनन्तः पञ्चम्याः प्रत्ययः॥१।१।३८॥

वृत्तिः - पञ्चम्यर्थाद् विहितः प्रत्ययसंज्ञः स्यात्।

शब्दानुशासने यत् पञ्चम्या विभक्त्या निर्दिष्टं=विहितं, स प्रत्ययसंज्ञां लभते। यथा - नाम्नः प्रथमैकद्विबहौ॥२।२।३१॥ - अत्र प्रथमाविभक्तिसत्काः प्रत्ययाः। यत्र च पञ्चम्याः विभक्त्याः प्रयोगेऽपि अन्तपदनिवेशः, स पुनरागमः। यथा उदितः स्वरान्नोऽन्तः॥४।४।९८॥

इह आगम-प्रत्यययो र्भेदस्तु स्पष्ट एव।