• नहि वचिरन्तिपरः प्रयुज्यते ।
• झिपरे इत्येके ।
• बहुवचनपरे इत्यपरे ।

अदादिगणस्य वच् धातोः रूपाणि इत्थम् -

• वक्ति, वक्तः, ___
• वक्षि, वक्थः, वक्थ
• वच्मि, वच्वः, वच्मः

चुरादिगणेऽपि खलु वच् परिभाषणे धातुः पठितः । आधृषीयश्च धातुः वा णिजन्तः । अतस्तत्रापि वचति वचतः वचन्ति इति रूपं सिध्यति एव ।

अतः वचन्ति इत्यस्य साधुता तथा स्यात् किल । आहोस्वित् नहि वचिरन्तिपरः प्रयुज्यते इतीदं चुरादिगणस्य धातुमपि व्याप्नोति?

नहि वचिरन्तिपरः० इत्यत्र गणनिर्देशः नास्तीति हेतोः उभयोः निषेधः एव स्यात्।

शिष्टप्रयोगेषु वचन्ति इति न दृश्यते इति हेतोः तद्रूपमेव त्याज्यम्। अन्यत्रापि विकस्यते विकस्येते विकस्यन्ते इति यद्यपि सूत्रैः रूपाणि निष्पद्यन्ते तथापि प्रयोगस्थालाभावात् नास्ति प्रयोजनं तस्य।