कदाचित् प्रत्येकस्य इति श्रूयते एकैकस्य इत्यर्थे । तत् साधु वा?

प्रत्येकम्

प्रत्येकम् - एकम् एकं प्रति इति वीप्सार्थे अव्ययीभावः समासः । अव्ययीभावसमासस्य अव्ययत्वात् सर्वासु विभक्तिषु सर्वेषु च वचनेषु समानं रूपं भवति ।

परन्तु अव्ययीभावसमासः यदि अदन्तः तर्हि तत्र व्यवस्था भिद्यते । 'अ' अन्ते यस्य सः अदन्तः इति बहुव्रीहिसमासः । 'प्रत्येक' इति प्रातिपदिकम् अदन्तम् ।

तृतीयासप्तम्योर्बहुलम् । नाव्ययीभावादतोऽम्त्वपञ्चम्याः । इति सूत्रद्वयस्य तत्र प्रसक्तिः ।

निष्कर्षः

• तृतीयाविभक्तौ - प्रत्येकेन, प्रत्येकम् इति द्विधा ।
• सप्तमीविभक्तौ - प्रत्येकस्मिन्, प्रत्येकम् इति द्विधा भवति
• पञ्चमीविभक्तौ - प्रत्येकस्मात् इति एकमेव रूपम् ।

अन्यविभक्तिषु प्रत्येकम् इत्येव ।

स्पष्टप्रतिपत्त्यर्थं षष्ठीद्योतनम् अनिवार्यं चेत् एकैकस्य इति प्रयोगमर्हति ।

सन्दर्भाः

• https://worldsanskrit.net/wiki/12---vyAvahArikii-shikShikA/pratyekasyapratyekam
• https://shurpakarna.wordpress.com/2017/03/10/प्रत्येकशब्दविचारः